ស្វាយរៀង៖ គូស្នេហ៍មួយគូបានណាត់គ្នាធ្វើអត្តឃាតដោយចាក់សាំងដុតសម្លាប់ខ្លួនស្លាប់ទាំង ២នាក់ក្នុងបន្ទប់ផ្ទះសំណាក់មួយកន្លែងក្នុងស្រុករំដួល ខេត្តស្វាយរៀង វេលាម៉ោង៧និង៤០នាទីព្រឹកថ្ងៃទី២៧ ខែកុម្ភៈ ឆ្នាំ២០២៣នេះ។
នៅមិនទាន់ដឹងមូលហេតុពិតនៃការដុតសម្លាប់ខ្លួននៅឡើយទេ ខណៈតាមការឱ្យដឹងពីសមត្ថកិច្ចគូរស្នេហ៍នេះខាងប្រុសមានអាយុ ៣២ឆ្នាំមុខរបរជាចុងភៅ ខណៈសង្សាររបស់ខ្លួនមានអាយុទើប ១៧ឆ្នាំប៉ុណ្ណោះធ្វើការជាបុគ្គលិកកាស៊ីណូ។
យោងតាមការចុះផ្សាយរបស់សារព័ត៌មានក្នុងស្រុកឱ្យដឹងថា មុនពេលកើតហេតុ អ្នកទាំង២នាក់បានមកជួលផ្ទះសំណាក់ដេកលុះព្រឹកឡើងខាងប្រុសបានមកទិញដែកកេះមិនដឹងថា មានគោលបំណងអ្វីនោះទេមួយសន្ទុះក្រោយមកមានហុយផ្សែងចេញពីបន្ទប់ដែលអ្នកទាំងពីនេះបានជួលដេក ក៍នាំគ្នាផ្អើលឆោឡោតែម្ដង នៅពេលបើទ្វារបានអ្នកទាំង២បានបានក្លាយជាសាកសពបាត់ទៅហើយ។
បច្ចុប្បន្នសាកសពអ្នកទាំង២ ក្រោយពីក្រុមគ្រូពេទ្យធ្វើការពិនិត្យរួច សមត្ថកិច្ចបានគ្រប់គ្រួសារសាច់ញាតិបងប្អូនយកទៅធ្វើបុណ្យតាមប្រពៃណី៕
